認識Eric Kwok唔係因為〈給我愛過的男孩們〉或〈幸福摩天輪〉,而係由碟評說起,有睇住《新Monday》成長o既都知Eric曾經為我地寫過碟評,用字落筆唔深究,但誠意態度乃是有的。所以當時已經知道Eric最大娛樂乃電影。「我好鍾意睇戲,o係屋企一個人睇,或同朋友一大班到戲院都可以令我好滿足,滿足在於一齣電影會否令我心動,《碟血雙雄》、《阿基拉》、《與狼共舞》等都令我好touching ,為左滿足我間歇性需要解決極度渴望o既官能刺激,所以我屋企儲左好多電影DVD,選擇DVD除左因其畫面更貼大螢幕感覺之外,唔使換碟一氣呵成亦係好重要一環。」