創作執著
「我o向創作上都幾執著,因為我信『歌唔係貨』o既道理。每一首歌都有佢唔同o既遭遇──賣唔出o既歌唔代表係垃圾,賣出o既亦唔代表乜o野。我唔會因為賣唔出而改歌。如果有一日我為o左賺錢而作曲,我諗我係時候退出樂壇了!」Eric說慶幸公司從來都不會逼他創作,因此他沒有任何壓力。說到與歌手合作的難忘經歷,Eric即刻說出與梁漢文的其中一件合趣事。「記得o個隻歌係《步步高》,其中有幾句係連續有四個音,節奏好急促o架,搵o左林夕幫手填詞,不過填o左四次都未去到我好想要o既效果,終於到Edmond唱o既時候,可能太在意每一個字啦,唱本都唱唔到好Natural o既效果,於是我就叫佢立即將歌詞換上四字粗口,結果佢立即唱得好Smooth!大家都拍手大笑話o個次真係好難忘記最後,我將個『粗口Demo』留低,o係聖誕節時寄番俾Edmond做聖誕禮物呢!」
創作空間
Eric認為香港的音樂創作空間不大,而且市場太細,加上很多人都不願意花錢買CD,音樂創作也受到一定的限制。「香港給人造音樂的地方實在太少,處處受限制,金錢亦係大問題,好彩公司俾我好大創作空間。」每個創作人都希望有自己獨特的風格,Eric亦不例外:「我希望將來當人o地聽到Eric Kwok呢個名字時,會諗起係一o的好o既歌曲,而唔係行貨。」
後記
一直對Eric Kwok認識都不深,只知道他是個唱作人,以前是Swing的其中一位成員,平時亦只會在各大音樂頒獎典禮中見到他。想不到今日一見,原來現實中的Eric與小記所想像的完全不同,他十分友善、健談,有時還像個小孩子,向著鏡頭扮鬼臉,還在訪問中吃糖。這次是小記出生以來第一次在錄音室,感覺異常新鮮!那兒真的很Professional,難怪Eric那麼想擁有一個私人錄音室了!