拍拖好恐怖
Eric與女友葉佩雯拍拖六年，與狗仔一家三口同住渣甸山。Eric當歌手期間，與當年英皇三小花之一的葉佩雯拍拖，他形容當中過程好像是進行恐怖活動。「唔可以俾公司知，每次拍拖都偷偷摸摸，好似進行恐怖活動咁，但好心甜好正。」
得來不易的愛情，理應好好珍惜，但Eric○四年曾出現第三者，更差點分手，詳情他不願透露，「當初有第三者係我錯，佢有講過分手，最後我都挽救到。個心會唔會有條刺?要睇佢睇唔睇得開，總之殺唔死就更強壯，大家都係水瓶座，話佢硬頸都係得個樣。」他招積地說:「我最驕傲係幫佢同英皇解約，好過作到好多好作品。」
葉佩雯今年再闖樂壇，Eric誇下海口誓要捧紅女友，「我會報答佢，一定紅過佢雪藏以前，捧到佢上太陽。(點捧?)我會幫佢作好曲同監製，以後就要靠佢，好似減肥。」至於婚期，他大耍太極，「睇另一半想點，佢以事業為重。」再追問，他才老實講句:「結都唔話你知，咁私人。」即是大有機會同老友陳奕迅一樣秘密結婚，相信呢句最真。