Swing全港率領試騎呢古董車
睇見呢款車係咪覺得好騎呢?查實佢係日本一間名為Mitsuoka旗下o既新車,全港只此一架,絕對對一無二。有部騎呢車在手自然要搵番個騎呢人o黎試下先至相襯,一向鬼靈精怪o既Swing自然係最佳座上客,唔好講o甘多,開車
Swing揸得冧唔冧
Eric:「佢個樣好似70年代上海灘時期o既汽車,o的大亨身穿皮草,口咬雪茄就係坐住佢四圍去。個車箱好靚,白色皮坐好鬼豪華,揸落都幾好揸,不過我就唔係幾o岩呢類古典車,我本身就鍾意Jeep多o的,因為Jeep車身高、易睇位,而且我經常去滑水,Jeep o甘大架最o岩用o黎放我塊滑浪版。」
Jerald:「我覺得佢個外觀應該同fun o黎形容適合o的,話佢大古典又唔古典得哂,呢部車應該係好大架先似樣,佢又唔大又唔細,而且後面都幾窄,唔似老細o既,我見老闆楊生o個架都唔係咁o既,哈哈。我本身就唔係太熱愛揸車,所以一直都無話要迫自己買架咩野車o黎代步,不過如果你問我有邊架車係較為鍾意,我就會揀Audi A4同福士o既Golf,因為呢兩款車都係較有性格o既車,好o岩我揸。」