Swing•延續

望一望大碟o既製作單位,唔難發現有好幾首歌都有Swing前隊員Jerald(陳哲廬)的影子。自從當年拆夥後個個都話可惜,今次搵番舊拍檔做音樂,會唔會係延續Swing的序幕?「哈,有好多o野話唔埋,呢個我都答唔到你。不過今次再同Jerald走埋一齊玩音樂比以前更舒服,當年大家都好認真,甚至執著,以致我o地成日嗌交,到最後佢仲提出唔玩。不過經過咁多年,大家思想都唔同o左,再一齊做音樂反而多o左共識;加上今次我出碟,由我話事,爭執當然少o左喇,哈哈!」Swing會唔會出現,得佢兩個先知,但難得佢o地又o係埋一齊唱歌,餓Swing餓o左好耐o既你今次可以止住渴先喇!

後記:最佳搞笑人

做訪問前,靜靜雞問助手到底Eric Kwok係一個點樣o既人,得到o既答案係「好有想像力」。究竟幾有想像力?影相昤記者連同一行人踩落海傍諗住影佢o係海邊幾自在,點知俾Eric見到後面有座垃圾山,之後仲二話不說想爬過鐵絲網影相當!當時記者梗係覺得Eric行事荒誕。但諗深一層,創作人冇呢份跳出框框o既思想,做起o野上o黎可以有幾突破?下次,下次再搵你做訪問一定俾你爬,I Promise!

Back To Select