男友打救 葉佩雯富泰復出

第一代英皇小花葉佩雯(Grace),九七年以日本樂壇教父小室哲哉徒弟之名出道,與謝霆鋒情侶檔拍廣告。可惜往後幾年,被其他小花何嘉莉及容祖兒等發力追上,被投閒置散的Grace,○一年與當時同屬英皇的前樂隊Swing成員Eric Kwok郭偉亮撻著,麵包與愛情兼得,Grace最後選擇解約退出娛樂圈。

經過五年養尊處優,廿六歲的Grace計劃今年再出碟,其他英皇小花如何嘉莉、Maggie劉思惠及阿Yu趙頌茹等,解約後不能再從事幕前工作,Grace是英皇唯一放生,可自由身出碟的小花,當年助她成功解約的男友,絕對功不可沒。

今時唔同往日,榮升Eric嫂,Grace唔使再扮得意搏討好,出碟玩Rock自己話晒事,放假就陪男友歎茶shopping,名正言順唱歌為興趣!

「我帶挈Eric Kwok!」

今年初Eric kwok一曲《夕陽無限好》,橫掃各大樂壇頒獎禮獎項,幫謝霆鋒、林海峰及Yumiko等作曲及監製大碟,年薪過百萬。有個「錢途無限好」的監製男友照住,蟄伏五年的Grace今年再闖樂壇。對於男友為她鋪路簽約新唱片公司Silly Thing,以及婚前最後一碟之說,Grace扁晒嘴嗌救命:「 雖然我好細個入行,但今年只係廿六歲,無諗過咁快結婚;唱片公司係我自己傾!唔關佢(男友)事,其實係我帶挈佢接多份監製job至真(Grace新碟由男友監製)。」

十六歲時加入英皇,簽下長達十五年合約,有指○一年她與Eric kwok秘密發展地下情慘被公司雪藏,Grace解釋:「唔係雪藏,只係大家合作唔到。」

不過,Eric Kwok曾表示兩年前成功幫女友與英皇解約,以此為傲。Grace回憶說:「我唔係好識講,係佢同我一齊搵Mani(英皇經理人霍汶希)傾,舊公司o個邊好好呀!唔想拖雙方時間,o係好和平同開心o既情況下解約。」

幸福做自己

今個復活節假期,個個藝人忙於出騷搵錢四出宣傳,Grace居然可以「放紅假」,與男友在家中玩煮飯仔,出外歎下午茶,去名店shopping,幸福盡在不言中。

第一代小花

○一年和前Swing成員郭偉亮(Eric Kwok)拍拖、加上拒絕應酬,於是被打入冷宮,其間雖接拍電視劇《創世紀》及《靈異偵緝檔案》,但事業卻直插谷底。幸得男友穿針引線,於○四年與英皇無條件解除餘下的八年合約。