Eric Kwok初出道時，曾與Jerald組成樂隊Snowman，後改名為Swing
王子變青蛙
Eric Kwok生於富裕之家，爸爸是有名的律師，家中有工人、有司機，他從小就要風得風，「當時我絕對係二世祖，又係《多啦A夢》o既胖虎，即係屋企有o的錢就蝦蝦霸霸o個隻!o個陣我連巴士都未搭過，如果我要出街咩，咪叫司機載囉。後來屋企發生巨變，一夜間由有錢仔變成平民，雖然發生o左一件不幸o既事，但幸運o既係令我學懂自強，如果我一直都係有錢仔，今日我肯定變得不可一世。」當年發生的家庭巨變，令Eric Kwok十分難忘，也許他不願再次回憶，因此他不願多提半句。13歲那一年，他與弟弟跟媽媽移民美國，當時他去到彼邦生活，讓他感到很大壓力，「記得當時媽媽同我講過一句說話，佢話:『以後你就係一家之主!』一個少年要做當家，你話壓力有幾大!最深刻有次三母子o係客廳傾偈，突然我o地聽到車房度閘捲起，於是我就拎住支棍，帶住細佬、媽媽落樓捉賊，最後發現原來係個閘壞o左!雖然當時場面真係好好笑，但就令我第一次感受到保護家人o既壓力。」
借作曲抒情
除了來自當家的壓力，在美國生活又人生路不熟，既沒有朋友，又不懂英文，亦令Eric感到精神痛苦。那時每當放學回家後，他就躲進自己的房間，借音樂抒發鬱結心情，「幸好小學四年班時，我學過小提琴，識得睇o的樂譜，所以一有唔開心，我就寫歌抒發情緒。後來我叫媽媽買部電子琴俾我，個部電子琴好貴，係用來專業作曲，但我一開聲要買，媽媽就買o狙俾我，佢無講點解咁貴都肯買，我諗佢係知道我唔開心，只要我有呢部琴，就可以抒發情緒。」有了人生第一個作曲工具，Eric就好像著了魔一樣，日以繼夜地研究電子琴說明書，之後又作了不少音樂作品，部分更成為今日的流行曲。90年代，一直有聽香港流行曲的Eric，寄過不少作品到香港唱片公司，當時黎明選了他的作品〈假如今夜你在我的家〉，可惜其他的作品不是落選，就是做不成重點的plug歌，「o個時我o係美國都幾自大，聽到香港某o的流行歌，我會諗:『o下,呢首都得，我o個o的肯定仲得!』，後來返到香港發展，人o地唔plug我o的歌，我又會好自大咁諗:『X!你唔識貨o者!』。不過講起又幾奇怪，我用第二個名作曲，o的歌多數都唔會plug,用番Eric kwok個名,o個年就plug o左幾首，例如有彭羚o既〈一支花〉及陳奕迅o既〈幸福摩天輪〉……。」
Eric Kwok初出道時，曾與Jerald組成樂隊Snowman，後改名為Swing