11歲的Eric(右一)和家人乘郵輪到加勒比海遊埠，那時，他唇上已長出了小鬍子。
原諒
Eric豁達的思想並非天生，因為，他小時候家裏相當有錢。
父親是律師，家住渣甸山獨立屋，有司機和三個菲傭，小學讀St. Paul，跟Mark Lui、C Y Kong和側田是校友。「那時我是《叮噹》裏面的技安，成日都蝦蝦霸霸，連搭巴士都唔識搭，好似二世祖!」
他13歲那年，屋企經濟狀況忽然起了巨大變化，令他和母親、細佬避走美國。有說是因為他父親爛賭所致。「原因我不想多提。不過那時情況真係好急促，好似睇戲咁，一切都o係一日之內發生。一有事發生，我就同媽咪、細佬搬去美國，父母幾年後先正式離婚。」
「到美國後，我先開始學會去體諒別人的感受，說話好小心、會三思，唔會Hurt到人;同時我亦開始自我反省，整個人都成熟o左,冇咁癲。」
沒有嬲父親嗎?「冇。我識諗嘛。其實爹o地係個好爸爸，我由細到大，他都對我們很盡責，只不過是家裏有事發生了，令屋企狀況改變。」
「我跟他一直有聯絡，關係似好朋友。就算我以前年紀小，我都會意識到，每個人都總會犯錯，而且亦都唔到我去怪佢，因為佢係我爹o地!」
98年Eric回港後，都是跟父親同住堅尼地城。不過，他做音樂的工作卻沒有得到對方認同。「應該話，佢唔支持我做音樂，但亦冇反對。」結果父親要他考經紀牌。
「又唔算迫，他只是覺得點都好，有個經紀牌當傍身。結果我真係順佢意去考，然後在交易所日日睇報紙、聽電話，做了一個月就冇做......我自己都幻想唔到我會咁，亦都唔想去想這件事，簡直係惡夢!」
要一個深信彩數的人成為經紀佬，真係幾惡夢!
11歲的Eric(右一)和家人乘郵輪到加勒比海遊埠，那時，他唇上已長出了小鬍子。