有做o野
Eric Kwok比Grace年長六歲，又是著名唱片監製兼音樂人。難怪外界都說，她04年決定離開英皇，都是由他這位「大靠山」替她作主。
「梗係唔係啦!」Grace很大反應地說，「o個陣不過是因為我發覺在舊公司試過的歌路，都不是我所喜歡，亦唔o岩自己，先有個停下來想清楚自己路向的決定。」
及後Grace找唱片公司再戰樂壇，外間理所當然又入埋Eric數。「梗係唔係!我自己本身都有認識唱片公司高層!簽Silly Thing，不過是有次我跟這公司的高層傾閒偈，對方才知道我鍾意Rock，加上這公司喜歡簽的歌手類型都比較特別，大家想要乜，一講就已經中，便很順利成章合作。
「我唔係恨俾人簽就唱!如果我一直都遇不到一間好的唱片公司，我便不會隨便去簽，或去做一些有關音樂的工作，咁樣冇意思!」
食肥佢
另外，Grace更介意的，是那幾年外界寫得她「好肥」。「那時我有個花名叫『食家』，因為我日日都會諗當天去邊度食o野,然後就會帶Eric去窿窿罅罅搵o野食……當你試過咁樣冇顧忌咁食，真係好開心o架,咪講笑!」
「媽咪見我食咁多，又肥o左咁多，都擔心我:『阿女，你唔好再肥落去啦，好肉酸呀!』但我每次都是回答她，我開心咪得囉。」
「到我敢上磅時，已經130多磅!之後肥到自己都驚!」
男友沒有介意嗎?「Eric不是那種女友肥就唔要的人，所以我更加唔使諗。」真幸福!
大花筒
沒有見人的日子，還會令人有另一忖測，就是錢。「話我靠Eric o丫嘛!話佢係有錢仔，我跟住佢唔使憂，寫到我真係上o左岸靠Eric咁。」
「我做了這行多年，那個年代，一日唱幾個商場騷都有十幾萬，我日日係咁做，仲四年冇放假咁樣做，你都會計到條數，仲未計走埠登台呢。」
據資料顯示，她更大鑊是愛購物。「係，未休息前，我曾經大使過。我當年又唔可以食o野,工作又要裝身，興趣又是Fashion，所以買得好勁!」
「到我休息時，都會睇住條數，我有兩、三年未買過o野,咁大家又知唔知?好彩那時我肥，反正著極都不好睇，又一直有Sponsor，不如不買好了，呢o的大家又知唔知?我去買減價貨，大家又知唔知?」
然後，她又想到Eric去。「用錢方面，Eric都影響了我，去學習節儉。因為他本身很慳，不會無端端換車或經常奉勸各位男士唔好學。追潮流o既衫。以前我去旅行，買o野從來唔會諗價錢，結果就俾佢鏟到上天呀!」說罷，她又哈哈哈笑起來—不是每個女人被男友鏟都會咁開心，奉勸男士們千祈唔好學!