T:Eric當年有冇嬲Jerald?
E:冇,因為覺得佢太辛苦,做得唔過癮,其實由Snowman開始講o左好多次唔做,講足幾年。我明白佢點解要走,我只係覺得好o徒,功虧一簣咁囉,去到臨尾,表面上有口碑,但真係袋到落袋食飯o既就冇。
T:佢o既決定有冇打亂你陣腳?
E:冇,有心理準備好耐,好似長期病患者咁。
T:復合後有冇安排好工作?
E:7月18號有個小型音樂會,可能下年有賣飛Concert。
J:目標係咁,但唔知出番o黎有冇人Buy,所有唔可以咁肯定。
E:最想講係今次新碟有好多理念,第一,Standard要高,高o既意思係Melody要易記,80年代外國那種Pop,但其實愈簡單愈難,因為簡單o既已經俾人用o左,又唔可以好似;第二,每首歌都要二個人一齊做,佢會拉到我好遠,我又會拉佢返過o黎,好好玩。暫時只有兩首慢歌,其他都係Upbeat
o野。
T:搵邊個填詞?
J:林寶、Wyman、Riley,仲有陳詠謙,佢係Vega其中一個成員,幫我唱過和迫,側田同Kary首〈山歌〉係佢填詞。
E:我o地第一首派台歌就係陳詠謙填詞,叫〈我有貨〉,因為〈大大公司〉執笠,〈我有貨〉就講公司重開。
J:我o地有貨o架!真係有。
E:真係有o架!
What is Swing?
由組合時期去到獨立發展，樂壇上跟Swing合作過的歌手和填詞人都有不少，今次找來陳奕迅、黃偉文及林海峰3位跟Swing息息相關的好友， 講講心目中的Swing。
林海峰:情侶組合
多媒體創作人，由90年代開始跟Eric及Jerald合作無間，最令人深刻的合作有《三字頭》Project中一首〈流行曲〉。
「好早已經跟他們合作，Snowman剛組成時唱片公司找我為他們影Promotion相， 影完我心諗『呢兩位都係做番幕後啦。』我意思係，以他們的Talent，還是做幕後會比較長壽。」
「我跟他們合作得很多，單飛的享受過，雙飛也刺激過，最難得應該要數我的大碟《三字頭》內的那首〈流行曲〉。這實在是一次可一不可的合作， 那天我在電台想到〈流行曲〉這條橋，轉個頭他們就出現在我眼前， 是整定要和他們合作的。既然一拍即合，我就先給他們內容，然後二人負責創作曲、編曲、監製。開心是我們三個腦走埋一齊能有不少化學作用。」
「跟他們是工作上的來往居多，甚少工作外約他們，不過早前再跟Jerald見面，他已經提過Swing會重組的事,我當然贊成,他們打從Day One已經是情侶組合,既然現在唔信邪要再次走在一起,就看看他們有甚麼新o野給我們吧。」