樹仁綜合晚會Swing興奮到劈板

12月4日樹仁學院o向邵美珍堂舉行慶祝30周年校慶o既綜合晚會，當晚節目非常豐富，有跆拳道、中樂表演外，重請到英皇娛樂力捧組合Swing o黎表演，唔單止咁，Swing成員Eric重high到表演徒手劈木板添!

Swing成員Jerald簽名落木板話說一班表演跆拳道o既同學一見到Swing，就即刻衝上台搵佢o地簽名，佢o地重就地取材，用表演o既木板充當簽名板，Swing當然樂意為佢o地簽名啦!

Swing Eric運功劈板簽完名，Swing成員之一Eric可能感受到跆拳道勁力，在場眾多同學要求之下，即刻運功表演劈板，估唔到Eric除唱歌了得，功夫都咁勁!

Swing表演對校園show剖白

成員之一Jerald話:「我覺得做校園show唔同其他show，同學o既反應都係比其他場合o既fans較熱情，可能係咁，我o地encore o左兩首歌，同Eric劈板啦，全部都係即興，講真佢劈板真係嚇死我呀!」

Eric:「我o地覺得o的同學好high，佢o地high o的，我o地o既表演都會落力o的、開心o的，所以我encore，同劈板都係因為佢o地(同學)有咁好反應o者!」