Swing起貨
六月中跟Swing做過復出訪問,興奮還興奮,當時他們已經做完的,歌不足3首。不經不覺兩個半月過去,突然又說已經做好哂10首歌,9月中就會出碟。Eric Kwok說做碟過程順到好似整定一樣,天時地利人和全部有齊,又講到今次所有歌都是Eric同Jerald一齊作曲,他們又o黎料喇。
Jerald:「以後每首歌都會一齊作,唔會番轉頭喇!」
Eric:「真係唔會番轉頭咩?」
Jerald:「我唔想囉,如果你要做自己o野,solo都可以啦。」
Eric:「如果我係都要你唱我o的歌呢?」
Jerald:「咁咪做Eric Kwok Featuring Jerald咁囉!冇謂啦,我就你!」
〈我有貨〉─Jerald:「我們解散前有首〈大大公司〉,講公司結業,到最後一天仍然是顧客至上,以禮待人,今次這首〈我有貨〉就講Swing復合了,大大公司重開,至於曲式是〈大大公司〉和〈Shut up〉的合體。」
〈Let It Go〉─Eric Kwok:「是第一首我們一齊作的歌,歌詞想講有幾種人很適合叫他let it go的,像易妒忌的人,或者曾經有事放不低而內疚,或者懷才不遇的。(你說Jerald?)不是,但他全部都有。」
〈麵包生命〉─Jerald:「作的時候是諗住要有一首慢的有感情的歌,讓公司有大眾化的歌可以交功課,在我的準則來說未試過唱咁pop的歌,已是極限。Wyman的詞我們很鍾意,因為不是情歌詞,類似〈大大公司〉用物件主導。」