Which Power You Like?

人人都覺得地球好危險,人人都想出一分力去保衛地球。事實人多始終好辦事,上星期環球唱片仝人便組成環球保衛隊,全體歌手齊齊發揮聲音力量,將正能量宣揚開去。當晚眾多歌手,各自組成一組力量,各具號召力,總有一款o岩你,埋o黎睇埋o黎揀啦!

Man Power - 都話環球係陽盛,少不免來一幕全男獻技,Mr.、Swing、孫耀威、張敬軒、鄧健泓等,齊合唱「Rock•友Medley」,歌頌友情歲月,〈最佳損友〉、〈Victory〉再乘〈再見理想〉,至緊要當然有校長首〈朋友〉,大合唱必備。

Alan's Power - 作為校長,作為公司的元老,作為神級經典,唱片公司開Party,梗要預一Part係校長的經典金曲,不過今次以歌頌為主,各人選取校長一首金曲獻唱,好似張敬軒唱〈幻影〉、李克勤唱〈雨夜的浪漫〉、陳奕迅唱〈傲骨〉,最好笑都係Swing唱〈小生怕怕〉,原來都幾o岩兩位。