Swing情懷現象留倩影
正所謂「趁青春留倩影」,男女都唔例外,今期「明星自拍」,我o地搵o黎「叱o宅」組合金獎得主Swing做自拍主角,相中發現Eric同Jerald都係念舊o既人,鍾意儲野,分分鐘有十幾廿年歷史o架!大過你同我。
Eric篇
身世大揭秘 - 圖中見到o既唔係近期好興o既品牌「xxxxing Ape 」,而係Eric o係十七歲時畫o既一幅畫,主角係佢同佢爸爸,但......點解會變o左兩隻猿人o既?
念舊眼鏡 - 嘩!Eric個樣好「娘」呀!原來呢一副係佢小學三年級時配o既眼鏡,佢重話而家會興番添呀。計番條數,原來副眼鏡已經有十幾廿年歷史。
陳年學生證 - Eric手持o既係佢o係UCLA讀書時o既學生證,隱約睇到當時o既佢同而家個樣分別都唔係太大,唔算好「薯」o丫!
兒時玩伴 - Eric以一招頭頂足球介紹佢兒時玩伴──毛毛足球,佢話到而家重會玩呢個足球,不過個足球似玩具多o的喎,同Eric個年紀有o的唔夾。
古董Hi-Fi - 眼前呢一座巨型Hi-Fi而家已經好難搵,原來係Eric四年級時收到o既禮物,相信對於一個小學生o黎講,已經係一份好貴重o既禮物。
「臭嗅鞋」 - 呢度成個鞋架全屬Eric所有,呢度重只係其中一部分,腳就得一對,但有咁多對鞋,點著得哂?
絕版Poster - 呢一張o係當年重叫做「Snowman」o既Swing o既Poster,街上已經冇得賣,收藏指數達10粒星。