U:《武當》的歌詞超好笑，新歌內容又講乜?
J:填詞班底同《武當》一樣，有Wyman、林寶、林若寧、陳詠謙。
E:但今次唔好笑o架，全部都是快板的悲觀情歌。
J: 5首歌詞都向「Love is forever」潑冷水，譬如林寶填的《隔三日甩一面》，講拍拖蜜月期總會過去，然後厭倦對方，關係變hae。
E:林寶簡直是Swing第三位成員，他和我由細玩到大，channel一樣，都是樂觀的人。今次想寫悲觀的詞，起初他覺好難,所以事前大家不斷傾電話討論。
過癮了十年
U:明年Jerald回加拿大,Swing又要暫別樂壇，覺得可惜嗎?
E:他想搬返去好耐的了，相信那邊生活比較適合他吧，而且因為女兒回去，
這個原因大於一切。講真，在香港樂壇，最近要自己做得過癮,唱片已不賣錢。《武當》反應都不如預期般好，
有少少失望,但我們自己好滿意,不論做歌、拍MV，由頭到尾自己度，創意指數是100分。
J: 我都覺得上隻碟幾天下無敵!
E:其實我們的歌一向比較似外國歌，我相信聽Swing的人，是classy、有taste的。最pop那首《1984》，是因為旋律好勁才吸引到大眾。
J:我們玩音樂已10年，明年走，我都走得心甘命抵。移民後想繼續幫人做歌，但人不在香港，應該冇乜人搵我。
E:我囉!(笑)明年Swing會出最後一張碟，想做前衛音樂，與圈中多年的朋友合作，當farewell。
U:月尾和莫蔚開《拉闊》音樂會，印象中你們從未合作，私下相識嗎?
E:完全唔識，只知她以前是馮德倫女友!
J:一齊影拉闊Poster好驚o架，佢咁pro，我o地只識扮哂o野。開會她亦好pro，但不是嚴肅、嚇死人那種。Swing有你冇你都發顛，她呢......覺得有point去做的話，都會去到好盡，一齊顛。
E:你又知?
J:我feel到!
E:開一次會你就Feel到咁多o野?咁今次靠哂你啦。(大笑)拉闊我們都會玩電子，其他歌就唔講住，想到時有surprise。