Jerald偷窺Madonna
「幻想愛上Madonna是我讀初中經常做的事，那時候全校的locker，女同學通常會貼上Duran Duran、Wham!的海報，男同學就分兩批，一類是喜歡Heavy Metal和Hip Hop的代表，AC/DC、Run-D.M.C等，另一批多數是Madonna，即是我。好記得有一次，Madonna上《Playboy》雜誌，當時我得14、5歲,好想買來睇,於是終日在書局擺放成人雜誌一欄行行企企。試過有好幾次有衝動拿來看， 但最後還是不敢,終於有一次撞到一位高我兩級的師兄,他問:『點呀?係咪想睇?』然後就一手拿下來給我。嘩!我幾興奮呀，當我好專心地看了5分鐘後， 有個售貨員便走過來眼望望，然後同我講:「Did you have the age to look at that?」當時我面都紅哂， 超尷尬,然後他一手搶去並怒目望住我。(Eric:咁好冇睇先?)其實有少少失望，因為是黑白的，而且後來才知道輯相是Madonna入行前影的。」
「Pet Shop Boys同樣是我今次扮演的4隊組合中，聽得最多的一隊。特別是頭兩張碟，《Please》和今次扮的《Actually》，我同喜歡〈It's a Sin〉同〈West End Girls〉。其實他們寫曲寫詞方面， 都好有頭腦，而唱片封套上的他也是永遠有型有款，永遠都唔笑，只可以說，他們扮cool，真係好cool。