Go West by Swing
要學o的地道鬼馬o既美式英文,而家除左睇電視,又多一個途徑喇!o係美加長大o既Eric同Jerald今日正式開班授徒教英文喇!唔止咁,Swing仲落手落腳親身示範o添!教得咁出色,大家又可以學得咁開心,睇o黎想轉行,真係可以考慮o下去AA補習社做老師喎!
第一堂:行為學
學徒宜由淺入深,睇下美國人日常行為o的英文點講先!
撩鼻屎:Pick your nose! -
果然係組合,睇下佢o地示範撩鼻屎時,幾夾幾認真!
放屁:cut the cheese! -
放屁點解會關芝士事?來源無可考究,不過看圖解畫,Jerald股「氣」都好有「氣」勢o番!
撩文打:You're an ass! -
大家都知ass係「屁股」,Jerald咁樣話Eric,重唔係撩交打!
第二堂:抒情篇
而家一齊跟Swing補習社兩位阿Sir學一學美式街頭抒情文學先!
你好靚仔:You're a stud! -
從今以後女仔想冧男友唔使獨沽一味話「你好型」啦!學Eric對Jerald話,You're a stud!睇下Jerald即刻自信爆棚,幾有信心!
你真無膽:You're a whimp! -
Whimp即係無膽鬼咁解,睇下Jerald個無膽匪類造型幾神似!
易過借火!A piece of cake! -
哦!呢句淺啦!切蛋糕仲唔係易過借火?
後記
Swing最新大碟將於六月中正式面世。目前Eric同Jerald正在加緊唱片後期o既混音工作。影相當日,Swing百忙之中抽出時間幫我o地影o左呢輯生鬼趣致o既相。Eric同埋Jerald友善合作得o黎,仲好玩得。但係一入到錄音室,兩個即刻非常認真,埋頭工作。其實呢張新碟Swing真係落o左好多心機同時間,Eric都話如果唔係影相,佢都好耐冇掂過佢最愛o既football喇!