見證Swing未玩夠?

點解Swing咁貪玩?皆因佢o地有首新歌叫〈就當我未玩夠〉呀!今次我o地深入拍攝現場,深深體會到呢首歌絕對係Swing o既真實寫照o添!Eric同埋Jerald兩個大細路原來除o左唱得、舞得、寫得、作得之餘,仲絕對係玩得之人o添!

[圖從上至下,左至右]

玩玩具 - Eric o係度摷超合金玩具,即刻大玩特玩,Jerald唔使講都玩埋一份啦!
玩變身 –玩完超合金o既Eric即刻好似上o左身咁,即興表演機械人變身o添!
玩鏡頭 –無得玩玩具,Jerald貪玩到竟然夠膽死,走去玩camera!小心camera哥哥鬧呀,Jerald!
玩《遊樂王》- 消閒想玩最佳推介係乜?Jerald親身示範:「梗係睇《新Monday》,玩o下《遊樂王》o既game啦!」
玩自己 – 咁大鑊?Eric無o野好玩玩自己?......哦......原來整理衣裝o者!
玩正經 – 終於得閒坐低好好飲o下茶抖抖,Swing仲未玩夠?今次玩正經,扮忙呀!
玩攝影 – 莫非Eric好恨做攝影師?睇下佢一得閒落o黎,就指手劃腳咁扮哂攝影師物色主角。

各界歌迷唔好以為Swing真係咁貪玩無o黎正經呀!其實以上只係佢o地等埋位時o既自娛生鬼一面咋!大家一定要留意電台、電視,支持Swing呢隻新歌〈就當我未玩夠〉呀!