做足100分
那麼,對自己的工作評分又如何?滿意嗎?「我們當然會給自己滿分,因為我們都已經盡力做到最好,當然會給100分!」Eric笑著答。Jerald說到大碟內Eric和他的作品各佔一半,是刻意的。「本來還有一首歌,可惜版權上出了問題,所以少了一首。」Eric告訴我。
然而,為什麼只有寫歌,沒有填詞?是否與個人中文水平有關?「只要我們將想填的詞的意思告訴填詞人,他就會替我們填。」Eric說。
細心留意,就會發覺Swing的歌曲長度較一般的為短,是甚麼原因呢?「歌曲的篇幅或許比較短,但我們寧願聽眾覺得有『唔夠喉』o既感覺,好過他們會覺得太長、太囉嗦。」Eric答。
在工作上的最大滿呎是甚麼?「出碟囉。」Jerald答得理所當然。「對未來的展望就是可以繼續出碟。因為今日不知明天的事。」
獨家率先睇Swing浪漫MV
電台勁Plug o既〈黑雨天 白鋼琴〉近日終於拍mv,今次兩人一改頑皮姿態,以大情聖feel o黎冧fans!
[圖由上至下,左至右]
陶醉 – 你睇o下Jerald彈琴彈得幾投入,簡直係七情上面。
美女 – 呢個就係第一次同Swing合作拍mv
o既女主角陳凱怡。雖然係第一次同Swing拍mv,但佢已經有多次拍mv經驗,令呢個mv生色不少。
落雪 – 雖然呢個落住雪o既場景有o的老土,但係原因呢個係Swing一直夢寐以求o既場面,咁就算啦,老土o的都收貨!
扮Twins
– mv鏡頭外的Swing......Jerald話佢要學Twins咁,打側手翻喎!
煲粥 – Eric就唔同喇,一唔駛埋位就煲電話粥,一咪密密傾咁,係邊個o黎o架?
SM漢 – 慘囉!慘囉!Eric玩SM?定係示範最新款耳環同鼻環?
後記:當我告訴Jerald這是我第一次跟藝人做專訪時,「浸過鹹水」的他即時笑說我的「第一次」給了他們。跟Swing做訪問比想像中容易和順利,雖然他們很頑皮,可是卻令氣氛輕鬆不少,最重要的當問到有關他們的工作的時候,他們便會收起笑面,一本正經的一一回答,我的「第一次」的經驗很好啊!