Swing《On Fire》

Hard sell時間

Eric:「大碟每項細節都做得好認真,除o左o的歌好俾心機做之外,我影封面時個頭整o左十幾個鐘,Jerald碌落樓梯碌o左十幾次,真係好認真o架!」
Jerald:「仲有摺車同板車優惠o添!摺車好好玩o架!」

歌詞方面:「今次填詞用o左好多平日填詞人少用o既角度,例如〈中和點〉講o既係『點解人人都話一生只可以愛一個人呢?』唔係鼓吹人一腳踏幾船,而係俾一個空間大家思考o下。」

歌曲方面:「作為組合,我o地o既創作空間可以容納到唔同音樂元素,碟入面有好多唔同類型o既歌,Rave、R&B、Ra、New Age、英國o既funk等等,好似音樂教材咁。」

封套方面:「我o地好滿意個設計,本身構思係想鮮色o的,而『著火』個concept又好特別,好似跳火圈同計時碌樓梯咁,我o地影o既時候都覺得好好笑。」

CD包裝大解構

Booklet內的有趣構圖,據說並沒有特別意思,只是玩一些鮮有本地唱片booklet做過的groovy action。內裡常出現爆炸圖形,正好和唱片名字以及樂隊狀態《On Fire》不謀而合。以通心橙色膠套作封面,外國的O.M.D、Tangerine、Dream、Doctor and the Medics早用過,但回顧平地唱片才是首次,據說成本不輕,可見英皇十分看重這二人組合。

街坊評語

KK 15歲:〈中和點〉好好聽,Eric影得幾靚仔,個封面都好特別。
嘉豪 17歲:「歌詞幾有深度,希望keep住呢一點。」
鴻嘉&阿水 16歲:「Eric幫Grace作o既〈二人默劇〉已經好正,今次都放o左一段落去,好特別。」