口技了得
除o左作曲掂之外,Swing玩其他o野都有一手。記得有一次《勁歌金曲》,Jerald同自己聲音扮演鼓聲,令觀眾拍爛手掌。
「呢樣o野係Jerald o既強項,因為佢由細到大都鍾意同o的黑人玩,同埋佢鍾意聽rap music,得得多自自然然練到把口好勁,佢o個日可能只係show
o左少少俾你睇。」Jerald又插咀:「唔係,其實我o個日都show
o左好多o架喇!呢o的o野係即興,因為好多歌手都鍾意清唱,但清唱都做o左好多次啦!所以我選擇玩呢樣o野。」
一個癲一個cool
唔經唔覺,Swing合作o左兩年,佢o地成日要討論作曲、出大碟事宜,朝夕相對,唔知點睇對方呢?
Eric:「我同Jerald好o岩傾o架!Jerald份人好開朗,佢有咩唔開心就會收埋,唔會俾人睇到,唔想影響到人。佢成日都會好開心,令到周圍o既人都會受佢感染。不過當佢唔講o野、唔出聲o個陣,周圍o既人又會down哂,所以佢都幾有影響力o架!」
Jerald:「Eric要型丫嘛!所以出o黎成日都會好cool!講笑o者!其實係佢遮掩唔到自己o既情緒,佢一唔開心全世界都會見到,所以有時出到去見到佢黑起塊面,佢唔係扮cool,佢真係唔開心,如果佢笑就真係代表佢開心,佢唔識扮o野,所以而家好努力嘗試去遮掩。不過我真係講句,Eric今次大碟真係擺o左好多心機,佢o既工作態度令到我要去學習!」
後記:Swing好貪玩
平日見到Eric,覺得佢cool到痺,但當佢見到影樓有一個毽,二話不說就同Jerald、助手踢,仲踢到身水身汗,玩到唔停得腳,顯得佢貪玩一面,估唔到Swing作曲叻,就連踢毽都幾勁o架喎!