玩o野
聽落Swing o既歌曲,歌詞簡單,但勝在夠玩o野,出o黎口碑甚好。
Eric:「香港樂壇組合話多唔多,話少唔少,要出位係一件難事,所以我o地就要玩o下o野,咁先叫特別。」Jerald:「我以前o係外國生活,接觸o既大多係黑人音樂,鍾意rap歌,而家可以o係自己隻碟玩到呢樣o野,咁先會開心。」
鍾意點就點
Swing:「我o地o既碟唔會為迎合大眾而寫非Swing風格o既歌,咁樣就冇哂Swing o既特點。我o地會為其他歌手度身訂造寫歌,歌路會商業少少,不過寫俾自己o既歌,係唔會有咁o既情況出現,其他人接受到就接受,接受唔到就算,最緊要自己鍾意。」
有格
講到風格問題,Jerald突然問筆者一句:「你估今年邊個拎新人獎?」
「都係o個幾個咋喎!」我答。
Jerald:「我睇好何韻詩。我好欣賞佢,佢識得唱歌之餘,好有潛質,我feel到佢真係鍾意音樂,而家新一代歌手,要靠歌唔靠樣o既真係越o黎越少,阿詩唔需要靠樣,佢可以拎住個結他,好型咁彈o下彈o下,好有自己風格!」
「有風格」呢個字,o係訪問中,已經出現過Jerald同Eric口中無數咁多次。