竄入森美小儀私竇!

雖然森美同小儀為電台DJ,不過佢o地諗頭多多,所以自去年開始搞o左個「森美小儀歌劇團」,今年第一個搞o既就用Swing合作。雖然所有表演都圓滿結束,不過每次事前排練得都非常辛苦,所以我o地事前就突然殺去森美小儀同Swing排練「流星級的演唱會」o既私竇,睇下佢o地o既排練過程有幾辛苦。

好辛苦

唔經唔覺,「森美小儀歌劇團」都搞o左五次表演,不過最令森美同小儀辛苦o既,都莫過於最近同Swing合作「流星級的演唱會」,森美:「因為以前多數以歌舞形成進行,同埋吹牧童笛,不過最近一次就唔同得多,我o地加重o左技能上o既演出。其實就咁排舞都覺得辛苦,因為始終自己唔係跳舞出身。而今次就更加辛苦,因為要四個人一齊用麻黃去敲出節奏,一定要不停咁練先做得好,所以練得好辛苦同"支力"。」

同Swing擦出火花

森美小儀同多個歌手合作,先後有容祖兒、陳曉東、何韻詩、梁漢文、方力申同楊千嬅等等,最近就有Swing,咁多個入面,最令森美小儀欣賞o既係邊位?森美:「其實個個都有佢o既優點,不過最令我開心o既就係平時成日見到Swing好似玩下玩下咁,但一工作起上o黎就好認真,大家會一諗意見,感覺好開心!」