K歌 Threesome

李克勤上一張碟《Threesome》，請林夕和林若寧平分包辦歌詞，新碟《罪人》再玩Threesome， 請心儀的「幕後K歌之王」Eric Kwok和周博賢，左右護航做監製。

H:Hacken E:Eric Kwok A:Adrian周博賢 U:U Magazine

晨早錄音

U:周博賢和Eric以往合作不多，點睇對方作品?

E:其實我99年就識他，當時我剛入行，簽約Warner/ Chappell做作曲人，他就是這間音樂版權公司的律師。到他監製謝安琪的唱片，我寫〈囍帖街〉，才首次合作。
A:數落已識了十年!你寫o既〈幸福摩天輪〉令我最深刻，音樂上玩到好似過山車咁，但melody好順，我自問寫不到。
E:你寫給謝安琪的〈亡命之徒〉都好正，曲詞好睇到個人作風，尤其內容講社會事，幾罕見。

U:今次各自監製5首歌，克勤有否俾Guideline?抑或完全放手?

H:既然他們各有風格，我覺得不用刻意夾歌，所以第一次開會，傾了做K歌，Set好這條線，就讓他們自己由揮。
E:另一條線都Set得好清楚丫，就是要早上10點錄音!(眾爆笑) 好在我上次監製〈花落誰家〉已有經驗，唔覺辛苦。

E:上次未深入了解他，以為他好寸囉。
H:我經常俾人誤會!
E:今次一連做5首歌，先發現大家好o岩傾，識多個朋友。

感動與麻甩

U:派台歌〈再見穿梭機〉由Wyman填詞、Eric作曲，據說是Eric得意之作，諗過留俾自己唱。

E:係，都割愛o架，我今年寫的歌之中，這首肯定是one of the top。寫好時，克勤的碟差不多夠歌，我就問他要不要多一首。
H:我問是甚麼類型的歌，他說是超級無敵好聽一定Hit那種!咁講點會唔要先?
E:結果他聽到一半已經好鍾意，臨尾仲有點眼濕濕。
H:這種感動不是成日有。
E:記得以前他跟我說過，唱歌多年曾經好麻林，日日像返工，好難再有歌刺激他唱出另一個境界。今次做到一首能衝擊李克勤的歌，我都好開心。

U:今次周博賢作曲較少，唯一作品是〈隱形俠〉。

H:這首是最尾做的，我就想加一首衰衰的麻甩歌，似成人版蠟筆小新!
E:咁我想你唱o下fing頭歌喎，我諗公司和fans都會ban!下次不如你先填詞，我套首歌上去，我試過跟林海峰這樣合作，效果幾得意。
H:或者我填詞，周博賢作曲，你唱，都得!