《武當》最lasting - 無癮離場後，以為從此絕跡，但7年後，Swing回來。怨氣經過沉澱，得出結論是不理好賣與否，最緊要自己玩得過癮。
E:「呢隻碟係最滿意的作品，亦係最Swing的一次，有好多好o既memory。」
J:「我覺得呢隻係好Lasting的大碟，5年後10年後拎番出o黎聽都唔會覺得舊。我o地做o既歌行得好前，可惜經常前得滯，前到冇人理。做好〈麵包生命〉，心諗:呢首仲唔係爆得痴孖筋o既歌?點知就唔係。」
E:「多年來Plug過咁多隻歌，冇幾多隻係plug緊時已經大hit，受歡迎如〈大大公司〉、〈就當我未玩夠〉都係咁。」
《電》終於電到 - Swing的宿命是plug song永遠不在plug緊期間發揮作用，但一首〈無如果〉終於打破宿命，歌迷終於觸電。
J:「plug過咁多年歌，首〈無如果〉算係快有feedback，係最成功o既plug song。當時plug o左一星期，已經收到3位DJ的SMS讚首歌好好聽。」
E:「我o地plug o左〈無限〉幾耐?3個禮拜，有冇收到呢o的SMS?」
J:「就係冇，算啦，預o左，起碼有一次都夠。」
Swing & Me
這兩年，Swing的心情樂得輕鬆， 沒有硬要爭取甚麼，盡情去享受每一個表演機會。
相反，這兩年，自己心情非常複雜。開心是，相隔7年， 以為永遠冇機會再聽到的音樂，竟然追加一個兩年限定版，而且這個別注版，比前作玩得更癲更任性，非一般呃錢搵食的古典復刻。但同時，心裡又充滿買少見少的失落，所以兩年間，極為珍惜每次訪問機會。事關樂壇上很少人肯陪你癲，他們不是嫌不夠有型，就是嫌破壞形象。難得有人肯玩，於是嘗試將自己腦袋內的癲癇度提升，去迎合兩位思維，想出各種匪夷所思的拍攝方案。跟Swing復出的想法一樣，冇想過對方喜歡不喜歡， 只想自己過癮。
直至今次訪問，Jerald談到將來在加拿大的生活。「我會返去搵工，平日可能會湊女返學放學，會整午餐佢食，起初會唔慣，或者有少少掛住香港，可能連最唔鍾意o既影相工作都會掛住。
E:「唔係喎，《東Touch》o個o的你鍾意喎。」
J:「咁起碼好玩o丫，有o的要我有型但講明唔chok得，我都唔知佢想點。」
一句好玩，就是大定滿足感的來源。