生仔有咩好?
Jerald成家立室9年，又有了囡囡，早步入人生另一階段，但這個幸福畫面卻沒讓Eric有結婚生仔的衝動。
E:完全冇諗過!佢生埋我o個份囉!我o地隻新碟有首歌叫《太多人》，就是想講地球人口過多引發的問題，
我要好好實行(節育)這個理念。現階段，唔太想地球再多一個生命。
J:我同佢講，有o左家庭仔女之後，唔係講玩o架，整個生命都會改變，返唔到轉頭，所以要諗清楚。
E:我眼見佢自從生o左個女之後，忙到嘔，佢同太太堅持親力親為湊女，唔想錯過任何見證囡囡成長的時刻。有時因為佢太忙，
專輯的工作要我幫手埋尾。見到佢咁辛苦，真係諗過至好。
坎坷得o黎有型
回看過去12年Swing的音樂路，加上即將上架的「拜拜」之作《Swing到盡》，前後共8張唱片， 質素備受肯定，奈何當紅金曲從未出現，會否是他們的一個小遺憾呢?
E:每次都失望。出過咁多張碟，從未有過實質回報(唱片銷量)，始終我們唔係做大路音樂，識欣賞又有taste的人唔多。最好賣是02年拆夥推出的新曲加精選囉，當時英皇見反應好，仲勸我o地唔好拆夥。但當時覺得冇新火花同意念，所以想暫時分開下。
J:感覺好似某些畫家一樣，要死o左先成名，睇o黎我o地都要走呢條路!
E:Swing
o既命運可以話係坎坷得o黎有型，但某程度上又唔錯，每次跟唱片公司合作做音樂，都得到100%支持，從不干預，亦少理市場反應，呢點係我o地最欣賞的。
J:音樂上算係幾完美的，反而我希望拍戲做演員，唔係拍鹹片就得!佢成日都叫我拍《肉蒲團3》。
E:你估呢個一脫成名的機會人人都遇到o架?你驚將來俾自己仔女睇到?
J:咁梗係啦!
真係不敢想像，Jerald唔做音樂做未央生，會是怎樣。