重組
○九年Swing復合時，可有想到三年後又再拆夥?Jerald說:「其實當時我已經同太太有晒plan要生BB，三年後要離開香港，我打畀Eric同佢講，想o係走之前重組Swing，出幾張碟，做多個concert收尾，佢一口應承咪做囉!」
Eric又在旁補充:「我同佢講，重組唯一條件，係要大家一齊作曲，唔再好似之前咁一隻碟每人作五首，結果我o地復合後第一張碟《武當》，成為o左我o地最滿意o既一張碟，最Swing!其實只係玩三年，我覺得OK o架!因為三年o黎,我o地日日都見住面，呢條友真係幾難頂o架!哈哈哈!」
「我個人好煩o架!」Jerald即插嘴。「同一個問題，可以成日問佢幾次!就算我o地之前分開時，我間中都會打畀佢，問佢阿邊個邊個信唔信得過，然後就會傾足幾個鐘!因為佢係我o係呢個圈最信任o既人!」「係喎!我o地o個陣真係間唔中會詳談o架!」「其實我係訓練緊你忍耐力呀!你唔見你EQ高o左咩?你之後做幕後，對住o的artist會有更多耐性囉!」「話唔埋，過多幾年你個囡會入行，參加《巨聲》呢!到時我做評判o既話，我會叫佢返番加拿大囉!哈哈哈!」「我覺得你唔會忍心囉!」(他們的對話，下刪五百字)
OK，兩位兄台，快樂o既時間過得真係快，又係時候講拜拜!
玩爆我個腎
Jerald和Eric，一個年屆三十八，一個今年三十七，前者已有家室有女兒，後者已有個感情穩穩定定的女友葉佩雯，不過他們兩個卻仍然像個大細路!
早前Jerald便為獨立樂隊Hardpack製作的youtube節目《情義兩難全之玩爆你個腎》，夾埋Eason陳奕迅，搶Swing演唱會檔期，齊齊整蠱Eric，勁爆笑，至今點擊率約有十萬多。
訪問初期，細細粒的我被他們兩人「夾住」坐在中間，我告訴他們，自從看過了那段片後，我已分不出他們的說話是真是假了。
誰知坐在我左邊的Eric竟即時黑面說:「咁你即係覺得我o地話farewell係假o既,覺得我o地依家係玩爆緊全香港人個腎啦?」然後右邊的Jerald又一臉認真地說:「我覺得咁樣唔係好好笑囉!件事會好"火羅"囉!」
我感覺正在被兩人挾持了，我的手心冒汗了，整個人僵硬了。
「哈哈哈!好無聊呀!」Eric看著我的緊張樣，忍不住笑起來。「我o地o的演技係咪好好呢?」Jerald又笑起來。
查實，講到尾，原來Swing仲未玩夠的。