Jerald
功 - 同Juno翻身合作
Jerald:「03年尾同Juno合作，當時全香港o既人都憎佢，親戚朋友知我同佢做緊音樂，十個十個都話佢唔掂，盞o徒o左我o既作品。歌紅唔紅冇得揀，但合作對象Jerald偏要揀，「我個人好Nike，Just do it!Juno首〈炸彈人〉係我最愛作品，因為我push到佢。」上年，兩人o既堅持終於捱出〈超生培慾〉及〈弱水三千〉兩首口碑作。
過 - 冇sell過自己
做娛樂圈其中一條規則就係要識埋堆social，「我以前懶有性格，睇唔開兼睇唔起埋堆呢個行為，見到人o地咁做會笑佢。o依家反面後悔點解我當時唔同當紅藝人sell o下自己o既歌?」Jerald laid back性格有跡可尋，本以為佢洗手不幹回加拿大其實早有後著，「我仲搵緊工咋， 申請o左當地海關職位，聽人講鐵飯碗。」Eric:「o下!你仲未見工o架?」Jerald:「未o架。上次走係因為我做得唔開心，最後轉行做project management，今次係個女大啦，就兩歲，想多o的陪佢教佢做功課。」為囡囡放棄事業，都算係將功補過!