Eason苦練酒量

提到各兄弟有甚麼板斧,Eric說:「咪頂酒囉！我同Grace都唔飲得，但有梁漢文、師兄同陳子聰o係度，至少可以頂到30圍。(咁Eason會否唱歌娛賓?)我o地支咪會設置指模開關，佢冇咁容易可以唱，哈哈哈...不過Eason同我講，話最近練過o下酒量，唔似以前飲一杯就"目訓,"佢話可以幫手頂喎。」

兩人試完禮服，再到附近試中式裙褂，面對一系列金光閃閃的裙褂,Grace表現興奮，更指明要戴浮誇鳳冠頭飾，十足古代的「帝女花」，「我不嬲都好鍾意呢o的懷舊o野,好似細細個睇電視、睇電影o的戲服撻晒上身咁。Eric唔鍾意o架,係我逼佢，哈哈哈!」

說時遲那時快,已被迫穿上一整套「呆佬拜壽」裝，他搞笑謂:「我覺得好似o的狗俾主人逼著衫咁!」不過到Eric為老婆頭上的「帝女花」鳳冠揭開珠簾時，就鬼馬地大力一fing,幾乎搞甩了老婆的假眼睫毛。

超強兄弟班

Eric相識滿天下，當年霆鋒、柏芝在菲律賓小島秘婚，也是由他任證婚人，可見他分量十足。今次Eric與Grace擺酒完婚，一班星級戥穿石包括陳奕迅、謝霆鋒、梁漢文、劉浩龍、陳子聰等9位老友;而老婆的十人姊妹團，大部分則是這班兄弟的另一半，陣容鼎盛。

百萬完婚

不愛鋪張的郭氏伉儷，自言擺酒只為圓家人夢想，最重要簡單而隆重。人面廣的二人雖然各方面都獲不少好友贊助，但埋單計數，閒閒o地都要使近百萬。

海逸君綽酒店酒席35圍 約$50萬 輕井澤拍婚照(包工作人員機票住宿) $15萬 新娘婚紗及晚裝 約$25萬 禮餅 $2.5萬 共約$92.5萬

早前兩人秘密赴日本輕井澤拍婚照，靚靚婚紗是由好友ti wedding贊助

Grace全身窩釘，表示會用來對付老公,Eric見狀即扮吸血殭屍咬她。拍拖11年仍不時打情罵俏，難得的一對