《星夢傳奇》評判郭偉亮:TVB捧自己人好正常

近期無線大搞綜藝節目，繼追女真人騷《求愛大作戰》後， 10集藝人版歌唱比賽《星夢傳奇》在周日(7日)正式播出。可是，《星夢》錄影前，已傳出有無線內定入圍名單，遴選過程備受質疑。對於無線玩小圈子選舉，就連評判郭偉亮亦直言:「一個咁大o既電視台，冇偏幫都唔信啦，就算益自己人都好正常。」

郭偉亮:有偏心先好睇

而一向直腸直肚的評判郭偉亮向本刊表示:「我都有 bias(偏見),我鍾意睇唯唯、黃智雯做戲，俾佢o地o的分都鬆手o的。(點睇無線只俾親生仔女上節目?)做節目係咁o架啦，一個咁大o既電視台，要益自己人都好正常。」