Trend's Like Wind - 睡眠的噪音

相信很多情侶或夫妻,無論有多恩愛,但一到晚上要同床睡覺的時候,即變仇人!不是為了任何爭拗而嘈起來,而是被對方天生避無可避的鼻鼾聲嘈到晚晚無覺好"目訓"!小女總覺得這些愛侶很可憐,明明相親相愛,當然希望每晚扭在一起睡,但奈何對方的鼻鼾聲太拆天,分房"目訓"又不忍心,唯有接受每晚像「樓上樓下或隔離左右長期裝修鑽牆」一般的打仗噪音,非常陰公!最慘是怪不得對方,皆因對方也不想每晚這樣折磨愛人,這是天然反應,所以想大罵對方一頓又不能,只能默默地承受這種「真愛的折騰」! 早前我們一班老死一行廿幾30人到倫敦為Eason慶祝他榮獲母校頒發1個榮譽博士的名銜,跟他慶祝了1日1夜之後,我們一班fashion sisters在翌日便開始出動了!先去Dover Street Market,接著是Bond Street、Selfridges、Harvey Nichols、Brick Lane...買到差不多完全忘記了這個旅程是為阿臣而去的......最可憐的Eric Kwok對時裝完全沒興趣,他只能做個好老公跟著Grace及我們這班購物狂一邊行,一邊為Grace拿她的戰利品,很納悶。

於是當我們去到Selfridges這間大百貨公司時,梁炳就提議:「Eric,呢度o既basement有stationary section,o的o野幾得意架,你去睇下!唔使成日戇居居跟住我o地shopping啦!」「好呀!」(我心諗,Eric等o左呢刻好耐喇!)然後過了一陣子,他回來找我們:「我買o左隻戒指俾自己呀!」大家都呆一呆,原因1. Eric是個從不貪靚的人,他1件衫可以穿10年,但怎會無啦啦買隻戒指俾自己咁姿整呢?原因2. 話明去行stationary section,文具部喎!o係文具部買戒指?大家都摸不著頭腦,然後Eric說:「呢隻戒指叫『Snor-ring』,即係用o黎止鼻鼾架!我o係basement行下行下,行到去health section度見到既。Grace話我不嬲o的鼻鼾聲都幾勁,我咪買o黎試下囉!」「用戒指止鼻鼾都得?咁同1個特務用隻鞋o黎變風筒o黎吹頭冇乜分別咋喎!」「今晚試試咪知囉!」

翌朝,各人都好心急等聽結果...Grace衝下來酒店lobby跟我們說:「嘩!隻戒指真係堅呀!尋晚Eric o的鼻鼾聲起碼少o左一半呀!」Eric:「我諗係隻戒指堶惘陷X粒穴位o野頂住隻手指尾,令到個呼吸系統收窄,所以o的噪音都少o左。我要再返去買多幾隻做手信呀!呢份手信無敵啦!o拿,記住要戴尾指喎!重要男右女左喎!」「係咪架?咁騎呢o既!咁我都買番隻o黎試下先!」

能夠用廿幾磅英鎊,就可以減低你枕邊心愛的人每晚的騷擾,抵到爛啦!!

杜如風