Eric Kwok最愛
<夕陽無限好>、<最佳損友>、<囍帖街>首首本地名曲出自其妙手;早前又扮埋Iron Man拍茶餐廳廣告，這個男人作得也扮得,11年以組合Swing身份踏足紅館舉行《Swing後會無期告別演唱會》，事隔 3年，於今年7月將開《我最喜愛的Eric Kwok音樂會》，由book場、碌人情咭叫歌星好友坐鎮，自己一手包辦。講到咁白，今天有請 Eric Kwok(郭偉亮)講自己最愛!
為何選擇今年搞作品音樂會?
「入行10多年，沒有刻意搞作品音樂會，可以講唔想做，因為無可能好睇過12年Wyman的《Concert YY黃偉文作品展》。但有天林海峰text我，話有條橋搞個人音樂會，我聽完好有挑戰性，覺得會好有fun，所以就開始計劃呢個騷，但暫未透露比大家係點。上年7月我和另一位行外partner更創辦了「係都要創作公司」，就是要一手包辦成個創作，由申請場地、控制budget、度橋等自己搞掂，學到好多作曲以我的東西。」
音樂會poster為何只找了Eason、Gigi及梁漢文拍攝?
「如果呢個騷沒有Eason的話，我就不會搞呢個騷，因為自己為人認識的作品如〈夕陽無限好〉都由他主唱;至於Gigi是我早期創作得最多曲目的女歌手;Edmond更不用說啦，我們私底下是好朋友呢。」