Eric Kwok 鬚awaited
作為一個香港數一數二的作曲人，要到今年7月17至19日，才在紅館開第一次作品展，老實講，是幾遲的。作品展名稱《我最喜愛的Eric Kwok》，我不知道大家的看法，但對我來說，確實是最喜愛，所以真是滿心期待。Eric Kwok這幾年拜Iron Man所賜，偶然留了一執Tony Stark鬍鬚後，大家對他印象更深刻，正所謂認唔到個人，都認到執鬚，此鬚已成為他的icon!《東TOUCH》找來Eric Kwok幾位會在作品展中上台表演的親朋好友，帶佢執鬚，撐佢個騷，感受一下同鬚/騷之情，係幾好玩o既。
Eric Kwok執鬚，真心適合他。「現在街上認到我的人，比以前多一百倍，好離譜，肯定是因為鬍鬚。但其實要keep都幾煩，因為開始向四方八面生長，經常要修。」其實他的創意又何嘗不是向四方八面生長?一個玩得出Swing的玩o野音樂的人，音樂上肯定不甘平凡，而他同時又兼有hit歌的能力，這樣的人，縱使不算多產，也早應該要開一次作品展了。