四十歲後的莫札特 Eric Kwok
Eric Kwok說相信命運，郭偉亮可以唔信,Eric Kwok不得不信。
係。就算天生似Iron Man，但真不是西人喎，點解總是掛洋名行走江湖?「初出道，我用過中文名、筆名去作曲，都唔hit;到幫張學友寫《有個人》，唱片公司話今次隻碟想行英文,credit可否不寫『郭偉亮』而寫『Eric Kwok』，首歌紅o左,全行便習慣叫我Eric Kwok。」
洋化好型，焗住被洋化唔太型，以為郭君由此控訴流行樂壇跟紅頂白?他說:「可能個名真係利我，咁我又真係鍾意寫K歌。」
有才華，兼衷心不介意通俗，無憾了，他沒有藝術家的包袱。雖然，他筆名叫Moz，應該是Mozart之簡稱，莫札特，古往今來第一藝術家。
郭偉亮笑得更豪邁了:「咁你都知?那時我年少氣盛嘛，而且，莫札特也有流行音樂。」