英皇群星高唱:「天生不倒」

由英皇娛樂策劃、生命熱線主辦、英皇全體歌手及全力參與o既「生命大過天 活著多好!」活動,展開一個月以o黎,一直獲得社會各界o既關注同支持。有留意《新Monday》連載「活動速報」o既話,大家都知眾歌手將會合唱一首活動主題曲。上個星期,呢首歌終於錄好音喇!想聽就要等到5月20號各媒體o既首播,想睇?我o地而家就獨家披露當日幕後花絮,帶你直闖錄音室禁地!

Eric身兼三職

今次活動o既主題曲〈天生不倒〉係由Eric作曲」林寶填詞。Eric除o左作曲,重身兼呢首歌o既監製同埋主唱者之一,所以Eric o係studio坐足十幾個鐘,連飯都唔得閒食,你都咪話唔辛苦。

我的生命語錄(Eric)

「林肯都係要經過十幾二十次o既失敗,先可以做到總統,一時o既失敗,唔代表你永遠都唔會成功。