「佢低能過我，佢係可以好少有地令我笑到喊o既人。佢做埋o的好低能o既o野，講埋哂o的好低能o既o野，我又成日引到佢笑到喊哂o既!我諗幽默好緊要，夫妻關係之中點樣可以持久就係，個男人點樣可以令女人笑，個女人就要好體貼!佢好體貼、好就我，呢個好緊要!」
反而去太興食飯，就是他遷就老婆。「都幾難頂，我又o係個menu上面，周圍都係我，因為佢好鍾意食個咕嚕肉同埋鐵板叉燒，因為外賣返到o黎唔好食。叫o野食時都唔理，我去得就預o左，o的人o係度笑囉，都有同人影相，o的人都好nice，第一次拍廣告就好好feedback，好多人好鍾意!」
他的家庭，兩個人就夠，還是沒有開枝散葉的打算。「如果為生仔而結婚咁我唔會結，我本人覺得冇咁o既需要。我細佬o係美國就o黎生第四個，之前三個都係仔，冇o野做o丫嘛o係美國!如果第四個都係仔咁可能有機會第五個，我諗佢點都要生個女先停o架喇，佢生埋我o個份，搞掂!」
當上人夫o既Eric Kwok，有支持自己的朋友、有愛自己的老婆，生活不錯，惹人羨慕，但是父親因癌症離世，便提點了他。「我結婚冇幾耐佢就走o左，我都慶幸我結o左婚。我學到好多o野，呢o的係人生一定經過。無論你係咩人都好，你都有父母生，就算你係養返o黎o既，你都有身邊o既朋友，佢o地遲早都會走，呢o的你都要度過、要識諗。」