Eric Kwok 不一樣的作品展
近年自Wyman開創作品展熱潮後，不少具份量的創作人都連接開show，而Eric Kwok亦將於7月中開辦個人作品展音樂會，聯同一班好友artist回顧Eric過去不少經典好歌，面對已有人開創先河，Eric依然有信心，他的作品展一定有驚喜!
祕密驚喜
於2011年完成Swing告別演唱會後，當大家見證Swing解散，Eric當場簽紙結婚等驚喜後，蟄伏三年，Eric又將在紅館以唱作人身份同大家見面。相比近年音樂人作品展熱潮，Eric依然有優勢，起碼Eric除了是幕後音樂人，多年來以Swing及個人發展均活躍於幕前，加上他還有一個秘密殺著，秘密到訪問時都堅持不透露。
「今次個rundown真的讓我們想爆頭，一來要就不同歌手朋友檔期，二來今次不是一般大家看過的作品展，但我又不能在此透露。事緣去年有一日林海峰同我說:『我諗到一條好橋，如果有一日Eric你開作品展，打比我，到時我話比你聽。』我即場問他可否講比我聽，他說不能，一定要落實開show先肯同我講。其實之前已有朋友跟我說過開作品展，但我一直都不太想做，因我自己不太想做別人做過的東西，自Wyman後，都已有好幾個不同音樂人的作品展，大體演出格式都是找相熟歌手朋友助陣演出，我再做好像沒甚麼新意。但林海峰刺激到我好想知他有甚麼好橋能為我作品展帶來全新玩法，於是隔了幾個月後，我拿了紅館檔期，確定真的要開作品展時，就再打電話給林海峰，他講完條橋比我聽，我覺得一定好好玩!之前無人做過，而呢條橋比我用完，之後都唔會有人再用，但亦讓rundown變得更難製訂。」
大家睇到呢度，係咪好想知Eric Kwok將會點玩自己的作品展，看來要到演出才會揭曉，加上許志安、劉浩龍、陳奕迅、梁漢文、官恩娜、梁詠琪、Gin Lee、葉佩雯、李克勤、艾粒、王梓軒、吳雨霏、楊千嬅、蔡卓妍、葉蒨文、軟硬、Swing、蘇永康、鄭希怡等超過20位歌手好友，未演出已叫人期待。