Eric Kwok全家總動員

香港娛圈生B潮湧現!梁詠琪、劉若英，仲有鄭中基老婆余思敏陸續傳喜訊，但結o左婚三年o既 Eric Kwok同葉佩雯，就堅持養狗不造人，當正三隻寶貝珍珍、 Nana同 Toro係自己仔女，兩公婆出街買"食送",都會與狗狗同行，唔會獨留「兒童」在家。

上星期五(九月十二日),一家五口出動，郭生郭太揸車去跑馬地買"食送",三個仔女就留o係車入面等。雖然落住雨，但Eric Kwok唔理咁多，點都打開條窗罅，等空氣流通，狗狗唔會焗。

買完"食送",兩公婆食埋碗麵先揸車返歸。遊車河， Nana同 Toro習以為常，半個身伸出車窗吹風，但年紀比較大、開始多病痛o既珍珍，就冇o的後生咁好氣，自己霸晒後座位攤屍，咪打搞阿嬸!