Eric Kwok快閃

早排劉心悠孖住 Eric Kwok郭偉亮，去o左澳洲墨爾本拍自駕遊特輯，食好住好，仲可以揸住百萬辣跑四圍去，爽!澳洲，唔少得參觀動物園，兩個仲可以近距離餵袋鼠!點知袋鼠BB過分熱情，一個唔該跳上劉心悠個body，嚇到佢即刻撲埋Iron Man身邊，混亂期間，心悠BB更慘被袋鼠BB從後胸襲!

同性相吸，更何況異性，袋鼠BB要 Iron Man孭孭!

除o左去動物園，仲要出海捉藍青口，著住漁夫衫o既Eric Kwok，Iron Man變o左Mario。

玩足八日!返到香港，Eric Kwok為電影《老笠便利店》埋位，戲中雖然奉旨胸襲36E崔碧珈，但Iron Man一早同老婆葉佩雯備案，答應唔會同對方有任何電話或者短訊聯絡。

尊重老婆， Eric Kwok亦尊重法律，上個禮拜一(十二月一日)晚，佢車住三隻寶貝狗出灣仔上糧(煙),仲一次過買十包。買煙支持正版，唔幫襯水貨，不過佢將架車停o左o向雙黃線位置，買完要快閃，守法守一半，算係咁o架喇

去到邊都帶埋三隻狗o既Eric Kwok，買完煙快閃，速離雙黃線