英皇超新「聲」Swing賣笑賣歌唔賣樣

近期「英皇」新人輩出,繼有新人加入「Music Plus」o既新人王陳冠希外,又選出幾位前途無可限量o既「超新星」,包括金獎鍾兆康、銀獎張佳佳、銅獎汪鏡等。其實,「英皇」除左簽o左以上呢幾位新人外,還簽了一隊叫「Snowman」o既男子組合。但自從「Snowman」加盟英皇「Music Plus」後,已改o左名做「Swing」。至於呢隊超新「聲」組合,重點係賣笑賣歌唔賣樣。

英皇超新「聲」係由性格活潑o既Jerald陳哲廬及外型較踏實o既Eric郭偉亮組成,屬於創作型組合。去年十一月以「Snowman」名義推出首張唱片。直至今年2月正式簽約「英皇」,並於9月過檔「英皇」新成立o既label「Music Plus」,改名為「Swing」,於10月推出新唱片。據「Swing」透露,佢地o既音樂最特別之處,係鍾意玩聲,好似第一首派上台o既歌曲「Shut Up」,便大玩電話聲。至於聲o既音樂創作,佢o地話可以玩得好癲,玩沖廁聲FAX聲,甚至乎更天馬行空都可以,暇緊要同旋律夾得有Feel。自去年由「EEI」過檔「英皇」後,公司畀佢o地o既創作自由好大,尤勝舊公司。

「Swing」o既新碟封套拍攝,構思非常特別。當見到Jerald個樣時,Eric個樣就畀潑水遮住。然而,當Jerald帶住面具時,又會見到Eric個樣。不過,問到他們可介意封套上見到一個就見唔到第二個?Eric說:「唔會介意。我o地係賣歌o既,唔係賣樣,最重要大家留意我o地o既歌。」Jerald同意地說:「咁都幾得意,見唔哂個樣。等想知道我o地個樣o既人去搵o下囉!」「Swing」出碟唔止賣歌仲賣笑添!因為佢o地拍照當日,擺出各款鬼馬表情,相當搞笑,令在場人仕笑到碌地。

Profile

Jerald Chan

中文名:陳哲廬

星座:山羊座

身高:5'11"

最擅長樂器:Keyboard

最喜歡音樂類型:Fusion,Modern Jazz,R&B

座右銘:Life is a two way road

Eric Kwok
中文名:郭偉亮
出生日期:2月3日
星座:水瓶座
最擅長樂器:My Organ
最喜歡音樂類型:Dance

曾經創作作品:
張學友─有個人
陳奕迅─幸福摩天輪/貝多芬與我/當這地球沒有花
彭羚─給我愛過的男孩們/一枝花
梁詠琪─我鍾意
李克勤─再一次想你

(以上只是部份歌曲)