Eason英國留學玩臭臭實錄

海外留學生活自由,功課壓力又少,所以好多學生恨出國留學。Eason同埋Swing成員Eric、Jerald都係留學生,無王管生活有幾難忘,幾多姿多彩,佢o地三個雞啄唔斷,講之不盡。

校園驚嚇

數到校園恐怖事跡,美加代表Eric呢單料非數不可!

Eric:我住大學宿舍,有人話我地o個層有間房以前住o左兩個女仔,一晚其中一個返房攞o野,唔見同房,攞完o野就轉頭走。第二朝早佢再返去,見到有好多警察,原來佢同房俾人殺o左,連頭都斬埋!鏡上仲寫上血字:好彩你無開燈。即係佢返房拎o野o個陣,兇手根本仲o係房裡面!呢單o野足足嚇o左我一年半載,後來有人改篇成〈Urban Legend〉。

玩新生

玩得最勁係英國化表Eason,連啟臭都玩埋,可以去用癲去形容。

Eason:有個同學痾屎最大舊、最硬,浸水都唔爛,永遠沖唔走。有次小息我夾埋班人趁佢痾完屎,撞門打佢出去,用鐵衣架勾舊屎出o黎走勻全校,畀全校人知道呢舊係佢舊屎!冇人話我o地o架,我o地係Prefect o丫嘛!

犯校規

大學校規唔嚴,考唔考到試各下自理,自生自滅,但我就好驟忌種族歧視。美加代表Jerald就賴過一次o野。

Jerald:我同個土耳其女生嗌交.出埋粗口鬧佢「Turky Sandwiches」(土耳其英文,等同火雞),佢即該話畀先生知。加拿大對種族歧視好敏感,結果我被罰停課一日。其實冇乜事,返到屋企我阿媽o個鑊先至勁。