Swing正式解散

「人始終要食飯!」Swing終於承認正式解散了!早前Swing到商台接受訪問,記得問到是否真的解散?成員之一的Eric說:「係!」係Jerald o既意思,而Jerald亦會轉行做一些完全同音樂藝術無關的工作,而我就會轉到幕後發展。」

Jerald說:「今次解散我o地同公司已經有共識,其實Swing在樂壇已經有四年o既時間,但係我o地發覺前途唔係好好,況且我年紀已經大啦,唔想再留o係呢個圈度。我o地今次解散係好堅決,唔會再多兩年又話轉名再組Band。其實我o地o既音樂好好,口碑好好,我冇後悔過入呢個圈,但人始終要食飯,我寧願唔做都唔會減價求存(入了呢個圈使唔使倒貼?)o岩o岩好囉,其實我都唔係好鍾意呢行,唔o岩我自己!」

對於Jerald決定離開,Eric坦然未必係一件唔好事,他說:「我o地見好就收,況且我o地都攞o左獎,對得住自己!而呢個月八號我o地會推出最後一隻精選碟,宣傳期至三月尾,之後我o地就會正式解散!」