做Eric Kwok駐場歌手 Eason找數真漢子

Next Plus

23/7/2014

「佢真係兩"月劦"插刀，好幫我，多謝佢!」斷估Eric Kwok唔係講緊三晚都冇影o既謝安琪喇!其實o個位兩"月劦"插刀o既就係Eason陳奕迅。年頭知Eric Kwok開作品展，就已經講明一定會就晒對方o既期，晚晚唱超過六首歌，仲做埋搞笑環節，由頭撐到尾。

少有現身做嘉賓o既張學友，都有o水黎撐場，仲大讚Eric Kwok，「當然除o左Eric Kwok，現場觀眾可能係因為某o的歌手先買飛入場，不過唔好忽略一個重點，Eric Kwok o既才華係唔需要懷疑。」

而Eric Kwok冇估到佢會o黎o既葉倩文，就o黎撐足三場。仲有為音樂會特登由巴西趕返o黎,又推埋內地商演o既李克勤。當然仲有三晚代阿Kay演唱《囍帖街》o既蘇永康。

唔講大家唔知，其實創作人開騷,o黎撐場o既歌手只係象徵式收利是。不過其實佢o地呢o的時候都唔會計較錢，因為始終遇到一首好歌唔易，純粹想報答創作人!呢o的咪叫飲水思源囉，阿Kay學o野喇!