葉佩雯成功路感情篇 堅決否認與Eric拍拖

葉佩雯說:「真係好難囉!如果你搵一個唔係呢個圈o既人拍拖,冇錯係唔會有咁大壓力,但對方真係未必可以接受到自己o既生活方式,另一半o既壓力變相都會好大,但如果同圈中人拍拖,就會被傳媒不停報道、追訪,行街、食飯,無時無刻都可能有人望住你、有人影緊你相!」

 

近日Grace少有地傳出緋聞,緋聞男主角是與她同公司的郭偉亮(Swing成員),兩人被傳媒拍到外遊返港的相片,但仍堅持否認拍拖。兩人外形其實頗為合襯,Grace認為Eric尚欠甚麼未能打動她的心?Grace笑說:「你o地覺得襯咩?咁俾人話襯都好過話唔襯!如果同一個完全唔襯o既傳緋聞就慘囉!Eric欠乜?唔......哈哈哈......」

強調與Eric亦師亦友

Grace坦言與Eric(郭偉亮)很傾得埋,對方在音樂上可以教曉她很多東西,可說是她的音樂老師,而且對方為人亦十分好。不過Grace還是否認戀情說:「真係覺得好好笑,因為所有人都好似當我o地係一對,當我o地已經在拍拖,但係真係唔係囉!」