郭偉亮一曲感動葉佩雯

星島日報

1/1/05

早前郭偉亮剛舉行完畢的「芝華士夾GIG音樂會」，由幕後走到幕前出個人唱片，Eric不諱言「碌爆卡」，將圈中好友呼喚來出席其音樂會，他希望不只是作曲作詞，希望自己的歌聲亦可感動人心。

郭偉亮開演唱會，「芝華士」覺得他的生活品味與其推崇的不平凡生活品味很相近，Eric有甚麼生活品味?他說:「我唔鍾意買o野,不過我鍾意滑水、滑雪，我要食好、住好，又鍾意遊埠，所以我從來都冇乜錢剩，我差唔多每年都會去一次滑雪o架!」

Eric說自己收入來源來自作曲作詞，1年產量20首歌左右，他說:「生活暫時OK啦!不過比起伍樂城1年60首就差好遠，佢真係好勁!自己一來懶，二來又唔想將創作變成負擔，因為作曲作詞係我o既摯愛。」

他今次出碟會全是精選自己曾創作給歌手的歌，例如曾作曲給梁詠琪的《煙霧瀰漫》，他說會換上新詞，或者會講解吸煙，他說:「我都係呢半年先開始食煙，之前有感情問題，現在變了做壞習慣，(會唔會戒煙?)未知之數。」

甚麼的感情問題，他表示已經過去，現在肯定的是葉佩雯是女友的身分，也不介意將女友的名字掛在口邊了。他說:「我自己創作給Grace(葉佩雯)的歌《生日快樂》，就是前年她生日時，我送給她的禮物，不過當時公司並無幫她宣傳這首歌，我自己就好鍾意，可能覺得好有紀念價值，又覺得當時呢隻歌做得不夠好，編曲方面太靜，呢首歌唔係咁流行，令我覺得有些遺憾，當時寫呢首歌畀Grace，正值是我們熱戀期，Garce從來未收過男朋友寫歌畀佢，我諗都感動?o既!以前我o地重未在台上合作過，所以演唱會上我o地一齊合作，我覺得好有意義。」

「我亦都會將呢首歌換上新詞，呢首歌o既MV我會搵好多好朋友一齊拍，包括我隻狗，不過唔會搵Grace，一來佢唔想，同埋個MV會係Party咁，我o的朋友佢都唔識。」