<xmp><body></xmp>

霆鋒玩野0430三胞胎

新報

8/11/06

郭偉亮(Eric Kwok)新歌《晏》昨日找來好友謝霆鋒、女友葉佩雯、特別嘉賓曾江和Ian Cruz拍MV,近日盛傳張柏芝有了身孕,傳媒當然要追問柏芝老公謝霆鋒,但霆鋒口密唔認,不過他就心情大靚,不斷講笑。

Eric Kwok表示想邀請甘草、經典人物,以及認識他的好友來拍攝MV,他說:「我o係MV入面,講我係死o左,唔存在,所以咪搵我朋友o黎幫拖,而我以前睇過《射鵰英雄傳》,睇o左十幾次,我係『東邪迷』。(你用咩o黎打動曾江?)係公司幫我搵,而佢都有興趣,我覺得好榮幸。」

對於有報道指張柏芝懷孕兩個月,霆鋒當然是焦點所在,記者笑問Eric Kwok有否問霆鋒是否做爸爸?在旁的霆鋒即搶著說﹕「兄弟最清楚,唔會問啦!你聽日去養和睇o左生仔未,0530呀!好日子呀,吉日呀!」Eric Kwok笑問霆鋒:「係咪三胞胎?」霆鋒笑說:「0430 o個個咪三胞胎囉!」

Eric Kwok又大爆霆鋒最近正學柔軟體操,霆鋒表示不是,笑言自己學撲蝶和捉棋,記者問他會否參與育嬰課程?霆鋒無奈地說:「唔講呢o的o野。」霆鋒表示原定昨天到北京出席百事大型活動,但因政府要用人民大會堂,故活動取消,才有機會拍攝Eric Kwok新歌MV。

談到Eric Kwok是「東邪迷」,又看過十多次《射鵰英雄傳》,曾江笑說﹕「我作品唔止60集,要睇就睇死佢,佢o地好乖,我都有聽佢o地o的歌,好有現代味道。」