<xmp><body></xmp>

陳奕迅變變變 最驚變到迷

太陽報

30/11/06

Eason──浮 誇

Eason是不斷求變的歌手,一直追尋唱功和唱腔上的突破,他可以唱任何類型的歌曲,分分鐘仲勁過外國歌手,像Kurt Cobain(Nirvana)只可唱rock但唱唔到jazz,Eason就可以做到,香港只有一個Eason可以變聲,唱到快歌、慢歌、dance、rock、jazz。

譚詠麟唱過好多唔同類型歌曲,亦去唔到Eason o既千變萬化,佢永遠唔會讓人聽厭、嫌舊,雖然唔可以說Eason唱歌好過張學友,但佢比學友多元化好多,不過,我擔心Eason不斷求變,有日會變到冇o左自己風格。

感性唱到喊

Eason的人亦如他的歌,情緒波動很大,很浮誇,很易被人感染,又唔定性,但結婚生女之後,變得很顧家,很有責任感。其實Eason是一個很感性的人,記得錄《最佳損友》時,佢被歌詞深深感動,偷偷抹眼淚。

我們唯一o既爭吵,就係第一次錄歌,我要佢唱埋《十面埋伏》和音,Eason因為聽唔到自己把聲,不斷走音,唱了半個鐘都錄唔到,佢係一個自尊心很強o既人,覺得係我問題,同我嗌o左好耐,要我入錄音室試唱,結果我就唱到。

謝霆鋒——蒙冤

霆鋒係一個唱得o既歌手,但冇乜人認同,佢其實係一個男高音,優點是唱中、高音,嗌得好rock,像Bon Jovi,唱腔好鬼佬,可惜人o地唔認同佢唱歌,o徒o左!

可能霆鋒行得太偶像,o的人覺得佢唔係實力派,其實佢聽好多歌,好有要求,又鍾意試新o野,但o的人覺得佢扮o野、高調,但佢唔係刻意咁做,唔係扮有型,佢個人真係咁。

初初識佢時對佢印象好差,覺得佢扮o野,係一個play boy,懶係要型,但識落至知佢係home boy,唔鍾意去蒲,個個都以為佢係"界"女王,其實佢份人好專一、好認真,佢係完美主義者,o係我心目中,佢係一個最容易令人誤解o既人,好慘。

口述:郭偉亮