<xmp><body></xmp>

創作紅人殺上前線 Eric Kwok好歌自己唱

蘋果日報

22/12/06

如果要為郭偉亮(Eric Kwok)界定一個身份,相信大部份人都會認為他是一個幕後人,今年Eric終於以個人身份推出首張廣東碟,走到幕前成為真正歌手。

郭偉亮給人的印象,大多只是知道他是幕後創作紅人、前組合Swing的成員,又或者是葉佩雯的男朋友。今年Eric終於跳到幕前,以個人身份推出大碟,更以歌手身份接受各大媒體訪問,對此Eric表示曾因這個問題而不打算轉到幕前,Eric說:「以前Swing有兩個人,好多時都係Jerald講o既比較多,o依家就自己一個人面對,以前都可以有個人幫手分擔,而且我好怕影相擺甫士,硬係覺得怪怪o地。」

欲以曾江做封套

原來Eric曾構思在個人唱片封套上,不用自己的照片,不過因唱片公司不接受而告吹,他續說:「我好鍾意曾江,之前都請佢幫手拍MV,所以我真係諗過用佢張相做CD封面,但係公司唔會畀錢你去宣傳曾江嘛,所以最後都唔work。」

作品拱手讓他人

Eric之前曾推出一張名為《Collection》的唱片,銷量達一萬張,不過收錄的是他重新演繹自己作給其他歌手的歌曲,包括陳奕迅名作《幸福摩天輪》。身為作曲人的Eric表示曾有些作品,原本想留給自己唱,但礙於要打響創作人名堂,所以連最喜歡的作品也要拱手讓人,他說:「其實每一首作品我都好鍾意,初入行時為o左要打響名堂,有o的歌就算自己好想keep低,都要畀其他人唱,好彩o依家自己o既話事權大o左,少o左呢o的情況發生。」


曾構思在唱片封套上,不用自己照片的Eric,因唱片公司不接受而計劃告吹。


Eric表示很怕擺甫士影相,這也是他遲遲不肯以個人身份做歌手的原因。


Eric經常為女友葉佩雯創作新歌,兩人的關係十分密切。