Jerald舞動娃娃男

太陽報

唱作組合Swing最近再度活躍樂壇，向來喜歡在台上「搞搞震」的他們，連揀心水K歌都屬「估你唔到」之選!Swing認真思考近十分鐘後，成員Eric突然大叫:「我諗到喇!我o既唱爆你選擇係張如城o既《友誼的光彩》!唔係講笑，雖然我唔識點唱，但係我o的朋友次次去K都會唱，仲會學埋佢o的舞步!我覺得呢首歌o既娛樂性好高，真係好正!」

Eric愈講愈興奮，拍檔Jerald亦靈機一觸:「我都諗到，就係網上熱播o既都市閒情版《娃娃看天下》!原唱者係林曉培,o個個阿舜真係跳得好正，我o係網上狂睇，搞到個腦成日都諗住!有次同朋友去唱K o個陣終於忍唔住唱，仲學佢跳埋舞添!」他更親自示範阿舜的獨特舞步，令Eric笑到碌地!

歌曲風格玩味十足的Swing，連唱K時都古靈精怪