Swing七年期滿孖住出招

東方日報

14/8/09

七年前組合Swing宣布退居幕後,望穿秋水終於有機會復合,並即將推出新碟《武當》,與追隨組合多年的粉絲重聚。

以下是組合Swing得以重生的故事,某夜凌晨二時許,Jerald獨自坐在梳化上,突然記起當年解約時作出「七年不做幕前」的承諾即將屆滿:「02年4月30日解約喎,即係09年5月1日就可以做番幕前啦,跟住我就打畀Eric話:『不如再出碟囉!』」

豈料雄心壯志卻換來Eric一句「咪玩啦」,Jerald說:「其實Swing初頭解散o個兩、三年,我o地都冇搵過對方,有日佢突然打畀我:『不如下隻碟用個問號做封面囉!』當時我心諗『你講乜呀?』,跟住就講足三個鐘,但係三個星期之後佢又話唔做!」

幕後創作收入不穩

2002年Swing共推出三隻碟,當時邊做宣傳,邊為下隻碟做準備,令向來注重生活規律的Jerald大感冇癮:「當時想有人識,想o係樂壇有一定地位,每日不停換四、五套衫影相,影完最後都冇出,我覺得白做囉!」這七年埋首幕後創作,Jerald坦言收入不穩:「好彩有Juno、Jan用我!」從前各顧各的創作亦不復再,新碟《武當》將由Swing二人孖住出招,一起衝擊樂壇!


Swing從前各顧各的創作模式不復再,新碟《武當》將由二人合力出招


Eric之前對Swing復合的建議一直舉棋不定


Jerald稱在這七年間埋首幕後創作,以致收入不穩